Un project engineer del Department of Education ya entra na calaboso despues este yah ace sinti duele consu esposa quien un nurse del Department of Health na diila residencia na Nuñez Extension ayer madrogada.
Con el suspechao ya conose como si Engr. Hamja Lindet Badda, 35, casao.
Asegun con el pulis ya man pelyahan si Badda y su esposa porcausa na cen.
Amediante del peleya, ya patia y soquia si Badda consu esposa.
Gendeh pa contento ya amenasa pa este con el vida del esposa.
Porcausa con este ya reporta el victima na estacion del pulis y ya resulta na aresto del esposo.
Con el esposo ay planta el propio caso na corte el esposa.
Facebook Comments
