Davao City – Angayang tugtan nga makagawas sa ilang balay ang mga tawo ilabi na kadtong moadto sa simbahan, mga nagtrabaho ug kadtong involved diha sa pagbukas sa mga establisimiento sa adlaw’ng Domingo.
Sumala ni Davao de Oro Gov.Jayvee Tyron Uy, gitugot nila kini pero sundon gihapon ang mga health protocol sama sa pagsul-ob og face mask, social distancing, paghugas sa kamot, pagbutang sa mga foot bath aron malikayan ang pagkuyanap ning maong virus.
Apan giklaro ni Uy nga dili makagawas kadtong mga nag-edad og 21 años paubos ug 60 años pataas kinsa dili importante ang tumong sa lakaw.
Matud ni Uy, kasagaran sa mga tawo sa ilang probinsya karon mas gipili nga dili mogawas kung Domingo tungod ning makamatay nga matang sa balatian.
RadyoMaN Bernard Pantallon
