Establishments nga may less than 10 workers sa rehiyon 12 kag mga apektado sang kalamidad sarang makaapply sang wage exemption sa implementasyon sang P10.00 wage adjustment.

Wala sa balaud ang pagdiffer sang wage benefits sa mga empleyado sa pribado nga kumpanya sa pihak sang natuga nga epekto sang COVID-19 pandemic sa negosyohanay.
Apang sarang nga makaapply sang wage exemption sa implementasyon sang P10.00 wage adjustment nga nag-epektibo sang May 1 subong nga tuig ang mga establishemento base naman sa Bayanihan to Heal as One Act.
Samtang ginklaro ni Regional Tripartite Wages and Productivity Board Secretary Jessie dela Cruz nga ang kwalipikado lamang nga mag-apply sa wage exemption amo yadtong mga Retail/Service Establishment Employing Less Than Ten (10) Workers kag mga establishemento nga apektado sang kalamidad natural man ukon Human Induced Disasters.
Ginahatagan sang tubtub sa Hunyo 25 ang mga establishemento nga isubmitir ang aplikasyon sa RTWPB 12 nga nalakip ang mga requirements kapareho sang application for exemption.
Paklaro man ni Dela Cruz nga ang wage exemption ang magadugay lamang sang syam ka bulan ukon tubtob lang sa Pebrero 2, 2021 kag ang indi mag-apply sang wage exemption ang dapat i-implementar na ang second trance sang wage increase nga P10.00 kada adlaw.