Davao City – Dili mamahimong dakpon ug prisohon ang mga street barkers o dispatchers sa mga public utility jeepneys (PUJ) diha sa kadalanan hangtod nga walay PUJ driver nga moreklamo sa kapolisan.
Sumala ni City Transport and Traffic Management Office (CTTMO) Chief Dionisio Abude, daghan na sila og reklamo nga nadawat batok sa mga dispatchers gikan sa mga pasahero ug drivers nga masuko kung dili hatagan og kwarta sa driver.
Tungod niini iyang gipatawag ang tanang mga dispatchers ug gipasabot nga walay rason nga mangayo sila og kwarta sa mga drivers ug masuko kung dili hatagan.
Matud ni Abude, ang mga pasahero wala na magkinahanglan sa dispatchers kay sila mismo nasayud na kung asa mosakay ug unsang sakyanan ang ilang sakyan.
Kabahin niini iyang gipatawag ang tanang mga barkers sa usa ka dayalogo ug migawas sa maong panagsabot nga himoon silang assets o trabahante aron motabang sa CTTMO sa pagpatunhay sa dagan sa trapiko sa syudad sa Davao.
RadyoMaN Bernard Pantallon
