General Santos City—Gipabuthan ug armas ang Bombo Radyo nga nahimutang sa may Amao Road, Barangay Bula, Gensan alas 8:00 pasado ang takna sa kagabie.
Subay sa inisyal nga imbistigasyon sa tropa sa Police Station 6 ngadto sa lugar ubay-ubay nga mga buto sa pusil ang nadunggan sa mga empleyado.
Adunay nakit-ang mga buslot sa salamin nga pultahan nga milapos ngadto sa ilang recording room agi ug bala sa pusil.Upat ka mga empty shell ang nakaplagan sa kapulisan sa lugar.
Basi sa pahayag sa gwarya usa ka pula nga pick up ang miagi sa ilang estasyon gikan matud pa sa area sa Gensan Vill., pag tunong niini sa maong estasyonan niminor ang suspek dayon nagpabuto ug pusil.
Walay nasamdan sa maong insidenti apan nakamugna kini ug alarma sa nga empleyado.
Sa karon nagpadayon pa ang ghimong imbistigasyon sa kapulisan kalabutan sa insidenti.
