General Santos City—Gikatakda nang kasuhan sa Tinagacan PNP ang estudyanteng si Mikko Rivera, legal age, Residente sa Purok Lanton, Barangay Apopong, Gensan kansa nasikop sa gihimong Buy-bust Operation sa Tinagacan PNP alas 12:00 sa kaadlawon niadtong nakalabayng adlaw.
Matud ni Police Major Basher Alindo. Hepe sa Tinagacan PNP, nakadawat sila ug impormasyon bahin sa gikalambigitan sa suspek mao nga gilayon nila kining gipahigayonan ug operasyon pinaagi sa buy-bust operation.
Napalitan ang suspek ug usa ka sachet sa gituohang shabu gamit ang P500.00 nga marked money.
Gikumperma ni Alindo nga base sa ilang imbistigasyon, si Rivera ang adunay grupo diin ilang gimbuhaton ang paggamitan ug pagpamaligya ug iligal nga droga, gani aduna kini mga kaubanan nga nadakpan na sa ubang Police Station sa Gensan.
Sa karon ang nasampit nga suspek pabiling balhog sa silda sa Police Station 8 samtang kasong atubangon niini mao nag kalapasan sa RA 9165.(TAS)
