Nakuha ang tatlo ka mga pakete sang marijuana dried leaves nga may kabug-aton nga more or less 10 grams nga nagakantidad sang P2,000.00 sa ginpatigayon nga buy-bust operation sa Block 41, Phase 2A, Doña Soledad Subdivision, Brgy. Labangal, General Santos City, alas 7:15 kagab-i, Disyembre 8, 2020.
Ginpatigayon ang operation sang gintingob nga pwersa sang PDEA South Cotabato PO, PDEA Sultan Kudarat PO, PDEA Sarangani-Gensan PO kag GSCPO Police Station 2, nga nagresulta sang pagkaaresto kay Blitz Krieg Valdez Dejiga, 27-anyos, estudyante kag residente sang Phase 6, Doña Soledad Subdivision, Brgy. Labangal, General Santos City.
Ang suspek ang ginakabig nga target-listed personality nga ginamonitor sang mga otoridad sang 2 tubtob 3 na ka bulan.
Kaso naman nga pagbayolar sa Section 5 kag 11 sang Article II sang RA 9165 ang ipasaka batok sa suspek.
credit PDEA 12
