Davao City – Gidunggab ang usa ka estudyante alas 11:20 sa kagabhion didto sa Ipil Beach Barangay Duterte Agdao siyudad sa Davao.
Base sa report, ang biktima mao si Alvin Estudillo, 18 anyos, samtang ang suspect naila sa pangalang Temoteo Dayagro, 29 anyos pareho nagpuyo sa nasangpit nga lugar.
Matud pa, nakadungog og kasikas ang biktima samtang naligo kini ug sa dihang giabrihan niya ang kurtina sa banyo didto kalit kini gidungab sa suspek hinungdan sa pagkasamad sa iyang likod nga bahin.
Human sa hitabo ang suspek abtik nisibat sa wa matinong lugar. Usa sa nakakita sa maong insidente ang amahan sa biktima nga si Alfredo Estudillo ug miingon nga ang suspek anaa sa Ipil beach nagtago-tago.
Gilayon giadtuan kini sa mga police hinungdan sa pagkaaresto sa suspetsado ug mag atubang og kasong attempted murder.
RadyoMaN Don Pulayao
