Davao City – Duha ka drug pusher ang nadakpan sa kapolisan human nakuhaan og shabu atol sa gilusad nga buy bust operation alas 7:30 sa kagabhion didto sa Purok 2 Barangay 76-A Bucana siyudad sa Davao.
Subay sa report gikan sa San Pedro PNP naila ang dinakpan mao sila si Juvy Totu , 39 anyos minyo ug usa ka Merlyn Cobillas, 39 anyos parehong nagpuyo sa nasangpit nga lugar.
Matud pa sa dihang gikasa ang buy bust operation, usa ka police ang nagpailang poseur buyer gamit ang P500.00 buy bust mark money ukambiyo ang usa ka sachet nga gituohang shabu hinungdan sa pagkaaresto sa duruha.
Narekober gikan sa posisyon ni Totu ang usa ka rectangular transparent plastic heat sealed sachet nga adunay estimated street value nga P2,500.00 samtang nakuha usab sa posisyon ni Cobillas ang laing usa ka rectangular transparent plastic heat sealed sachet ug siyam ka empty elongated transparent plastic sachet nga pulos gituhuang shabu lakip na ang usa cellphone nga maoy gigamit sa iligal nga transaksiyon.
Ang duha ka dinakpan balhug na sa San Pedro PNP ug gihikay na sa kapolisan ang kasong kalapasan sa RA 9165 kon Comprehensive Dangerous Drugs Act of 2002.
RadyoMaN Don Pulayao
