General Santos City— Patay ng nakaplagan ang usa ka batan-ong lalaki nga nag-utaw-utaw sa sapa nga bahin sakop sa Bulaong River, Brgy. Labangal ning dakbayan sa Gensan alas 5 pasado ang takna sa kadlawon.
Ang biktima nailang si Jamal Dica, 23 anyos, estudyante nga residente sa Rambutan Street, Brgy. Dadiangas South ning dakbayan.
Subay sa imbestigasyon sa kapulisan, gibutyag ni Police Chief Inspector Ananias Vasquez, hepe sa Police Station 2 nga posibleng sa maong lugar gipatay ang biktima gumikan sa mga agi sa likido sa kasagbutan nga bahin ayha kini gilabay sa sapa.
Dugang pa nga adunay samad ginulgulan sa liog ang biktima nga gituuhang hinungdan sa iyahang kamatayon. Pagtuo sa otoridad nga dili lang usa ka tawo ang responsable sa paghimo sa maong krimen.
Sa karon, padayon ang ginahimong imbestigasyon sa kapulisan sa motibo sa maong pagpatay ug naninguha nga makakita ug testigo aron sa pagsulbad sa krimen.
