General Santos City—padayon ang gihimong imbistigasyon sa Police Station 3 sa nahitabong pagpanulis matud pa sa usa ka estudyante sa may Purok Jose Lansang Vill., Barangay Lagao Gensan.
Biktima giilang si Benito Ramos, 20, estudyante ug residenti sa Purok Malakas, Gensan.
Subay sa sumbong sa biktima sa kapulisan nasuta nga nakig-transaksyon kini sa ginganlan ug Jason Villalobos Jr. ngadto sa Social Media alang sa swapping sa Cellphone.
Ilang sabot nga tua sila magkita sa may Jose Lansang Vill. Apan pag abot sa nasangpit sa lugar kalit lang matud pa kining giduol sa suspek dayon gitiunan ug kutsilyo dungan sa pag deklara ug tulis.
Gikuha ang iyang Cellphone nga nagkantidad ug P9,000.00, paspas nga misibat ang suspek sa wala sayring lugar samtang ang biktima midangop gilayon sa kapulisan.
Ang nakatransaksyon niini sa Social Media nga si Villalobos maoy gitudlo sa nasangpit nga maoy nitulis ngadto kaniya.
