General Santos City—igo nalang sa pagpatala sa buhatan sa kapulisan ang usa ka estudyante human nga gitulis sa pasahero sa tricycle nga gisakyanan niini ug sa driver sa tricycle.
Biktima giilang si Merry Joy Montilla, 28, residenti sa Zone 6, Saway, Labangal Gensan.
Sumala sa report nga nisakay ang biktima sa tricycle atubangan sa 7/11 sa may bulaong road pauli unta sa ilang panimalay.
Apan pag abot sa may Purok Darimco, Baranhgay West kalit matud pa nihunong ang tricycle dayon nibalhin ang pasaherong lalaki nga anaa sa likod nagsakay. Nitapad kini sa biktima dungan ug bunlot sa iyang pusil dayon mideklara ug tulis ug pugsanong gikuha ang mahalong cellphone sa biktima.
Gipanaog dayon ang biktima sa tricycle dayon sibat sa mga suspetsado padulong sa ngitngit nga lugar.
Paspas usab nga midangop sa buhatan sa Police Station 1 ang biktima apan pagrespondi sa kapulisan nakasibat na ang mga suspek. Sa karon padayong giimbistigahan sa kapulisan ang maong insidenti.
