Talisay City, Negros Occidental – Nagviral sa social media ang video sang isa ka college student nga nagabaligya sang chicharon sa sulod sang eskwelahan.
Nakilala ang estudyante nga si Stephen John Lego sang Carlos Hilado Memorial State College – Talisay Campus nga nagakuha sang kurso nga HRM.
Sa Facebook video post sang user nga si Nel John Nel nga nagpakilala nga classmate sang estudyante, nagabaligya si Stephen sang chicharon, yema tart kag lumpia para sa pang-adlaw-adlaw niya nga galastuhon kag sang iya tuition.
Suno sa mga abyan ni Stephen, yara tanan sa Iloilo ang iya nga pamilya kag nagpasimpalad ini siya diri sa Negros.
Ginakabig man nila ini nga mapisan bangud wala labot sa paglibod sang iya mga baligya, ini ang nagapanglaba pa kag gabantay sang isa ka baligyaan sa Talisay.
Nagapakita lang ini nga indi upang ang kapigaduhon para makatapos sang pag-eskwela.
Basta may paghimakas lang, malab-ot ta gid ang mga handum ta sa kabuhi. – RCSG
