*Luna, Isabela-* Natimbog ang isang disi nuebe anyos na estudyante matapos maaktuhang nagbebenta ng Marijuana sa isinagawang Drug Buy-Bust Operation sa Brgy. Mambanga, Luna, Isabela.
Kinilala ang estudyanteng nadakip na si Norland Manibog, disi nuebe anyos at residente ng nasabing lugar.
Batay sa impormasyong natanggap ng RMN Cauayan, nadakip si Manibog matapos kagatin ang pain ng kapulisan kung saan binentahan nito ng isang sachet ng hinihinalang Marijuana ang isang police poseur buyer sa halagang isang libong piso.
Narekober ng kapulisan mula sa pag-iingat ng suspek ang isang libong pisong buy bust money, isang unit ng cellphone at isang sling bag.
Dinala na sa kustodiya ng PNP Luna si Manibog na mahaharap sa kasong paglabag sa RA 9165 o Comprehensive Dangerous Drugs Act.
