Patay ang usa ka estudyante sa TESDA human malatayi ang ulo niini sa kasugat nga taxi samtang nagdagan sa Davao Bukdinon highway pasado ala una sa kaadlawon.
Wala nay kinabuhi nga naabtan sa central 911 paramedics ang biktima nga mao si Ronel Dones, 21 anyos estudyante sa Tesda ug nagpuyo sa Tugbok proper ning syudad sa Davao.
Sa inbestigasyon sa Traffic section sa Tugbok PNP nga mibangga ang motorsiklo sa biktima sa Nissan Pick up nga niminor aron muliko.
Tungod sa kakusog sa impact nalagpot ang biktima sa pikas lane rason nga naligsan usab kini sa kasugat nga Midvalley taxi nga gimaneho ni Eusebio Villahermosa.
Gidala ang patay nga lawas sa biktima sa Calinan Funeral parlor samtang ang driver ug taxi unit gikustudya karon sa Tugbok PNP.
Kasamang Erin Lumosbog
