South Cotabato – sikop ang usa ka ginang atol sa gilusad nga buy-bust operation sa Purok Tagumpay, Barangay Zone 2 Koronadal City.
Giila ang ginang nga si Sheryl Nacional alyas “Ak-ak”, minyo ug residenti sa samang Barangay.
Alas 4:00 sa hapon niadtong nakalabayng adlaw dihang nasikop ang nahisgutan didto mismo sa ilang lugar.
Nakuha gikan sa posisyon sa suspek ang (2) ka small sachet, (1) ka big pack sa gituohang shabu, (2) ka empty sachet nga duna pay residue sa gikatahapang shabu shabu, mga drug paraphernalia’s apil na ang marked money nga P1,000.00.
Gihimo ang operasyon batok sa ginang human nakadawat ug impormasyon ang Koronadal PNP bahin sa pagpamaligya ug iligal nga druga sa nahisgutan. Ayha ang buybust operation, naghimo pag test buy ang Koronadal PNP ug dihang nagpositibo, naghimo gilayon sila ug operasyon.
Sa kasamtangan anaa na sa silda sa Koronadal PNP ang ginang samtang kasong paglapas sa Republic Act 9165 (Comprehensive Dangerous Drugs Act of 2002).
