Aurora, ZDS – Patay dihadiha ang usa ka estudyante human napantok ang ulo sa karsada dihang nadisgrasya ang gimaneho niining single motor didto sa Purok Lover’s Lane, Barangay San Jose, lungsod sa Aurora, Probinsiya sa Zamboanga Del Sur.
Giila ang biktima nga mao si Quinee Pink Salodes Emanel, 20 anyos, dalaga, 3rd year student sa WMSU-ESU Aurora, nga taga Purok San Francisco, Barangay Campo Uno, sakop gihapon sa maong lungsod.
Sa gihimong imbestigasyon sa Aurora Municiapal Police Station, nasuta mga 11:55 sa gabii ang biktima nagmaneho kini sa iyang single motor Honda XRM, kolor pula, plaka numero 6201 JE, gikan sa barangay poblacion paigon na unta pauli sa Barangay Campo Uno, apan paghidangat sa dapit nahitaboan, aksidente niining nadasmagan ang stock-file diha daplin sa dalan hinungdan maayong pagkalamba sa sementadong karsada.
Ang biktima dead on the spot human nakahiagom ug dakong samad sa ulo diin nibanao ang daghang dugo.
Photo Courtesy: (C.D.L)
