General Santos City—Patay ang usa ka college student nga itago lang sa pangalang Alexander, 21 anyos nga taga Barangay San Isidro, Gensan human nga naghikog pinaagi sa pagpusil sa iyang kaugaligon.
Base sa Blotter report sa Police Station 4, alas 6:00 ang takna sa gabie dihang naabtan sa iyang mga kabanay ang biktima sulod sa ilang CR nga naligo na sa iyang kaugalingong likido.
Nakit-an tapad sa biktima ang usa ka pistola ug usa ka fired cartridge. Base sa inisyal nga imbistigasyon sa kapulisan, wala silay nakit-an nga timailhan nga gipatay ang biktima hinungdan kumbinsido ang otoridad nga kini naghikog.
Usa ka adlaw ayha gikutlo sa biktima ang iyang kinabuhi, nangayo ug pasaylo ang nahisgutan sa iyang inahan apan wala niini gisulti kung unsay iyang sala.
Sa karon ginasuta pa sa kapulisan ang hinungdan sa pagkutlo sa maong estudyante sa iyang kinabuhi.
