Pagadian City – Samaran ang 12 anyos nga batang babaye human naiigo sa saag nga bala alas 5:00 kagahpon sa hapon dihang dapita sa Purok Kamungay,Brgy. Alegria ning syudad sa Pagadian.
Giila ang biktima nga si Lovel Makiling Gabon, grade 8 student sa Danlugan National High School residente sa Purok Cadena de Amor, Brgy. Alegria ning dakbayan.
Sa inistyal nga imbestigasyon nasayran nga samtang nipalit og pagkaon ang biktima sa tindahan nga giapanag-iyahan ni Victoria Baleton nabulabog sila daghanang buto sa armas nga ilang nabati rason nga nihapa ang biktima aron dili mapagan sa posibleng kagubot.
Human sa hitabo nadiskobrehan nalang sa estudyente nga biktima nga samaran ang ibabaw nga bahin sa iyang wala nga bukton.
Gidala na sa ospital ang biktima alang sa dinalian nga medikasyon.
