ALANGALANG, Leyte – Usa nga lalaki in ginpaninigbas ha brgy. Hinapolon, Alang-Alang Leyte ini in mahitungod la han nakabuhi nga karabaw.
Sumala han ALangAlang PNP, Hi Bernardo Pedras Poblete an nakilala nga biktima ngan hi Winefredo Horca Ezar naman an nakilala nga suspek nga pareho la residente ha nasabi nga barangay.
Basi ha inisyal nga imbistigasyon, nagsumat la hi Poblete kan Horca nga nakabuhi an karabaw pero ini in nag-isog ngan didto na nahinabo an krimen nga waray sadang nga rason.
Kasumpay han pahayag han biktima, nagmama-upay la daw hiya nga yaknon ha suspek nga nakabuhi an iya karabaw pero hiya pa an gintigbas.
Dugang pa ni Poblete ginpabulig pa an anak nga menor de edad han suspek pero gin-unuyan la hini pagtigbas an iya amay kahuman nga himuon ini nga panagang.
Pugong naman han suspek nga hiya daw an ginpaninigbas han biktima.
Gindara naman dayon an biktima ha pinkahirani nga hospital para mabulong.
Padayon la gihap an pag imbistigar han pulisya han mao nga panhinabo.
(News Contributor: Maricon Catorce, RMN Tacloban Intern)
