Davao City – Gidala sa Southern Philippines Medical Center (SPMC) alas 3:00 sa hapon adlaw’ng Martes ang usa ka sais anyos nga batang lalaki human maligsi og L300 nga van sa may Brgy. Marilog Proper, Davao City.
Giila ang biktima nga si Jonathan Mangcal, 6 anyos, kindergarten student sa Marilog Central Elementary School.
Gisaysay sa uyuan sa bata nga si Giovanni Mangcal, usa ka CAFGU, nga atol sa paglabang sa bata nabanggaan kini sa ni-overtake nga sakyanan nga gikan pa sa Malaybalay Bukidnon.
Gipailawom karon og CT-Scan ang ulo sa bata aron masuta kung wala bay damage atol sa nahitabong disgrasya.
Sa pikas bahin, nisaad ang driver sa L300 nga si Romeo Mina, 64 anyos, nga iyang tubagon ang galastuon para sa pagpatambal sa minor de edad.
Dugang sa drayber dili pod niya buot pasagdan ang bata kay kargo kini sa iyang konsensya isip usab ka Kristohanon.
RadyoMaN Aimee Guinita
