Tapaz, Capiz – Patay ang isa ka estudyante sang Bagong Barrio National High School matapos nga nalumos samtang nagapaligo sa suba sang Brgy. Santa Petronila, Tapaz, Capiz mga alas 10:00 takna sang aga sang nagligad nga adlaw sang lunes.
Ginkilala gid lamang ang biktima sa pangalan nga “Alliyah Gail”, 14-anyos kag grade-9 student sang Bagong Barrio NHS. Suno sa inisyal nga imbestigasyon sang mga kapulisan, nagpadulong ang 18 ka estudyante kalakip sa biktima, sa isa ka birthday party.
Bangud walang sang klase nagpaligo sa suba ang biktima upod sa duha sini ka mga kaupdanan. Mabaskog ang sulog sang tubig, gani gin-anud ang mga ini sa madalum nga bahin sang suba,. Masuwerte nga nakasalbar ang duha apang ang biktima natigayon gid nga nalumos.
Nagdugay pa sang 30-minutos antes nasapwan ang lawas ni “Alliyah Gail”. Gintinguhaan pa nga dal-on sa Tapaz District Hospital ang biktima apang gindeklarar ini nga dead on arrival.
