Estudyante patay matapos magkomitir sang suicide.

Patay ang isa ka estudyante matapos nga magkomitir sang suicide kahapon sang hapon sa iya sini nga boarding house sa bahin sang Purok Bagong Tuklas, Pinto Street, Brgy. Gps, Koronadal City.
Ginkilala ang biktima kay Lorlyn Lastrilla Mangiuob, 18-anyos, residente sang Brgy. Veterans, Surallah, South Cotabato kag estudyante sang Ramon Magsaysay Memorial College sa Koronadal City.
Sa imbestigasyon nakit-an na lamang sang iya nga boardmate pasado alas kwatro sang hapon ang biktima nga wala na sang kabuhi.
Ginkatingala suno pa sang iya nga classmate kag roommate nga sa pag-abot nila sarado ang ila kwarto rason nga pwersa nila ini nga ginbuksan kag daku na lamang ang ila nga kakibot nga nagabitay na si Lorlyn paagi sa paghigot sang iya nga leog.
Sa interview naman sa roommate ni Lorlyn nga ang indi pagpirma sang iya nga teacher sang endorsement para sa iya nga pag-OJT ang isa sa nahibaluan nya nga problema sang biktima bag-o pa man ini nagkomitir sang suicide.