Dead on arrival sa ospital ang menor de edad sa nagluntad nga disgrasya sa dalanon sa bahin sang Proper 1, Barangay Tasiman, Lake Sebu, South Cotabato.
Sa imbestigasyon, imbolbado sa nasambit nga insidente ang isa ka Suzuki Utility Vehicle bilang V1, ginamaneho ni Christopher Y Romano, 45 years old, driver kag residente sang San Pedro De Dios St. Lagao, General Santos City kag RUSI 125 bilang V2, ginamaneho ni Jovanie Sangid, 18 years old, single kag may backrider nga ginkilala kay Marko Ampit Ana, 16 years old, estudyante, pareho residente sang Brgy. Takunel, Lake Sebu, South Cotabato.
Dugang pa sa imbestigasyon ang Suzuki Utility Vehicle ang halin sa Brgy. Bacdulong padulong sa Barangay Tasiman samtang ang motorsikolo ang halin sa Brgy Tasiman padulong sa Brgy. Takunel kag pag-abot sa natabuan sang insidente nadulaan sang kontrol ang motorsiklo kag na- over shoot kag aksidente nga nabungguan sang V1.
Angot sini ang driver kag backrider sang motorsiklo ang nakaangkon sang pilas sa mga nagkalain-lain nga parte sang ila nga lawas, apang gindeklarar nga patay sang attending physician ang 16-anyos.
