Polomolok¸South Cotabato— Usa patay samtang laing usa ang samdan sa nahitabong pagpamusil sa may Prk. manatad, brgy. Poblacion, Polomolok, South Cotabato, kagabii, alas 8pasado ang takna.
Giila ni Police Senior Inspector Romeo Albano, Chief Investigator sa Polomolok Municipal Police Station ang mga biktima nga silang Christian Jay Sios-e, 16 anyos, estuyante kung asa kini dead on the spot human makaangkon ug ubay-ubay nga igho pinusilan sa iyahang lawas.
Samtang samdan ang usa ka Rovy Jean Marcial, 18 anyos nga samang mga residente sa Prk. Manatad, Brgy. Poblacion, kung asa dali kining gidala sa balay tambalanan ug gilayong gitransfer sa usa ka pribadong hospital dinhi sa dakbayan sa Gensan.
Sa kasamtangan, padayon ang ginahimong imbestigasyon sa kapulisan sa motibo sa krimen ug kung kinsa ang responsable niini.
