Pilason ang isa ka 20-anyos nga babayi matapos ini ang nagtuyo sa paghikog paagi sa paglaslas sang iya pulso sa comfort room sang public mall sa Barangay Poblacion 1, Sagay City las-12:33 kaina sang udto, August 15, 2022.
Ang biktima ihinago lamang sa ngalan nga Rica, pumuluyo sang isa ka barangay sa Escalante City kag estudyante sa kolehiyo.
Sa interview sang DYHB, ginpahayag ni Police Corporal Elmar Edaño, imbestigador sa Sagay City Police Station, nga may pilas sa nawala sini nga pulso ang gin-agom sang biktima matapos ini naglaslas gamit ang stainless disposable blade sa sulod sang CR. Nahingagaw ini dala sa ospital kag yara na sa estable nga kondisyon.
Suno sa mga himata nga nagpadulong sa ospital, nagasuprer sa depresyon ang biktima bangud sa problema pinansiyal. (Sagay CPS Photo)
Facebook Comments
