Cauayan City, Isabela- Timbog ang estudyante na kabilang sa High Value Target at drug surrenderee matapos ikasa ng mga operatiba ang drug buy-bust operation laban dito Purok 6, Brgy. Barat, Bambang, Nueva Vizcaya kamakalawa.
Kinilala ang suspek na si James Gregory Taclibon, 21-anyos at residente ng Brgy. Calaocan, Bambang, Nueva Vizcaya.
Positibong napagbentahan ng suspek ang isang operatiba na nagpanggap na poseur buyer kapalit ang isang pakete na naglalaman ng pinatuyong dahoon ng marijuana
Narekober naman sa estudyante ang dalawang pakete ng dried marijuana, P500.00peso bill na buy-bust money at cash na P300.00 maging ang motorsiklo na ginamit nito sa transaksyon.
Sinampahan na ng kasong paglabag sa RA 9165 o Dangerous Drugs Act ang suspek na nasa kustodiya ng Bambang Police Station.
