Davao City – Problema sa gugma ug pinansyal ang hinungdan sa paglukso sa Grade 10 student sa Davao City National High School nga gitago sa pangalang alyas Ben, 22 anyos residente sa S.I.R Brgy.76-A syudad sa Davao.
Sa gihimong interview sa DXDC RMN Davao ngadto kang Loreto Villagonzalo III, classmate sa biktima, miingon kini nga sa wa pa milukso ang biktima iyang gi-share ang iyang problema bahin sa iyang kanhi girlfriend nga nangayo’g salapi sa kantidad nga P2,000 aron gastohon sa adlawng natawhan apan nakurat nalang ang iyang mga classmates nga kalit miambak ang biktima.
Gihimakak ni Villagonzalo nga gitulak ang biktima subay sa gipagawas nga bersyon sa social media gumikan ilaha gyod nakita nga maoy mismong ni-ambak niadtong tungora.
Sa pagkakaron, padayon pa nagpaalim sa Southern Philippine Medical Center ang biktima.
Hinuon nitabang usab ang naasoy’ng tulonghaan sa mga galastuhon.
RadyoMan Don Pulayao
