Giandam na ang Multi-Purpose building diha sa Brgy. Baan Km3 ning syudad sa Butuan aron himoong quarantine ug isolation area alang sa mga persons’ under investigation (PUI) sa corona virus disease (COVID -19).
Gibutyag ni ABC President Gemma Tabada nga bag-o pa nahuman ang nasangpit nga edipisyo ug wala pa ma-turn over sa DPWH ngadto sa local nga kagamhanan, wala pa usab kini’y koneksyon sa kuryenti ug tubig apan sanglit dinali-an ang emerhensya tungod sa COVID 19 hayan nga paspasan ang tanang proseso aron magamit kini sa labing dali nga panahon.
Kini maoy resulta sa emergency meeting nga gipatawag sa City Hall kagahapon, diin nangunay si City Councilor Cherry Mae Busa sa pag-inspect sa gambalay kauban ang Department of Health (DOH).
Giplastar na usab ang mga medical practitioners nga moatiman sa mga PUI’s nga ma-isolate niini.
(VC. Gemma 1)
Dugang sa opisyal nga ang labing una’ng ipahimutang sa isolation area mao ang grupo sa mga estudyante nga gikan sa Metro Manila ug nakatakdang mopauli dinhi sa Butuan, apan sugaton sila sa Bancasi Airport sa mga personahi sa CDRRMO ug idiretso gilayon sa Multi-Purpose building. [image: LIGA BUILD 4.jpg]
