Giharas matud pa ang mga evacuees nga anaa nagkampo karon sa Misamis oriental capitol grounds sa mga nagpaila nga mga personahe sa city hall ug sabay sa order usab niini nga magpatukar ug kusog nga music apil na ang pagsalida sa mga pelikula nga binuhat sa mga military.
Sa usa ka pahayag sa Kalumbay, usa ka lumad federation of tribal groups sa Northern Mindanao diin maoy niatubang sa matud pang mga lalaki nga kuno gkan sila sa city hall ug nga ang provincial capitol ang naghatag sa order ngadto kanila aron magbutang ug mga ekipo para magpatukar ug kusog nga music ug magsalida.
Apan sukwahi sa pamahayag sa spokesperson sa mga evacuees nga si Sarista Acosta, wala kuno matud pa naghatag or bisan unsa man nga order ang kapitolyo ug ingon man ang city hall ug nga wala gyud sila nagpadala ug mga tawo.
Kahinumdoman nga moabot ngadto sa 40 ka mga pamilyang Higaonon ang nagtukod ug evacuation center sa capitol grounds human matud pa ang 58th Infantry Batallion sa Army ang mipuyo sa ilang kumunidad sa sitio Kamansi, Baragay banglay sa Lagonglong, Misamis Oriental.
Moabot matud sa 150 ka mga evacuees ang mibiya ug milayas sa ilang mga lugar samtang gikataho nga unang mipuyo sa lungsod sa Lagonglong niadtong Mayo 26 ngadto sa Mayo 29 human sa pipila ka adlaw nga pagbaktas.
