EWAS color coding gipatuman

Davao City – Migamit na og color coding ang awtoridad sa pag-ila sa mga Election Watchlist Areas (EWAS) dinhi sa Rehiyon 11.

Sumala ni Police Regional Office 11 (PRO-XI) spokesperson P/Chief Insp. Jason Baria, kini mao ilang nasabutan sa nahitabong Joint AFP-PNP Election Conference (JAPEC) uban ang Commission on Election (COMELEC) diin inay mugamit og Categories 1-4, gamiton na og Category Green, Yellow, Orange ug Red sa pag-ila sa mga election hotspots.

Sa record sa PRO-XI, adunay 823 ka mga barangay nga naka green category diin nagpasabot nga hapsay ug walay kagubot ang maong mga lugar, 233 ka barangay ang anaa sa yellow category diin adunay natala nga election related incidents ug adunay presensya sa political rivalry, 86 ka mga barangay ang orange category sanglit adunay presensya sa NPA, BIFF, MNLF, ug MILF, samtang 13 ka mga barangay ang naka red category gumikan aduna kini usa o daghan pang factors sa yellow ug orange categories ug adunay seryosong bahad sa terorismo.


RadyoMaN Jason Amisola

Facebook Comments