Sa interview sa DXDC RMN Davao kang Richard Sanchez, imbestigador sa Mati City PS, iyahang giila ang biktima nga si Wenifredo Abordaje, 67 anyos, kanhi sundalo ug empleyado sa gobyerno.
Saysay sa imbestigador, nagpatrabaho og balay ang ilang silingan ug daw nasipok matud pa ang iyang ulo rason nga mikuha kini sa iyahang .45 nga pistola ug nagpaboto apan siya naunay ug naigo sa ulo, rason sa iyang kamatayon ug wala na nadala pa sa ospital.
“Nagpatrabaho daw ang silingan sa 2-story (nga balay). Gi-renovate, nagpatrabaho. Naabot daw ang mga debris sa iyang atop unya iyahang gibadlong daw unya gi-ignore ra man daw siya. Nisaka siguro ang high blood, nagpaboto. Sa iyang pagpaboto, naunay ra pud siya,” saysay sa imbestigador.
Naila ang silingan sa biktima nga si Eddie Cobacha, diin giingong duna nay bangi ang magsilingan. Gipalawman pa karon ang imbestigasyon ug pagsuta kung duna usay foul play ang insidente.
RadyoMaN Kirby Manzon
