Sa report gikan sa Maa Police Station giila ang suspect nga si alias “Bentong” hingkod ang edad ug residente sa nasampit nga lugar.
Sumala pa sa report sa dihang gilusad sa mga awtoridad ang drug buy bust operation, malampuson kining napalitan og illegal nga droga apan sa dihang nakamatikod nga pulis iyang gikatransak imbes nga motahan sa kaugalingon ang suspect mibunlot og .38 revolver sa iyang sling bag dayon mipusil sa mga pulis apan wala nakaigo samtang, mibawos usab ug pusil ang kapulisan hinungdan nga naigo ang suspect.
Daling gidala sa Southern Philippine Medical Center (SPMC) ang suspect og gideklarang dead on arrival sa mga attending physician. Narekober gikan sa posisyon sa suspect ang mga illegal nga droga nga mitimbang og 30 grams nga shabu og adunay street value Php 540,000.00. Lakip usab sa nakumpiska ang mga illegal drug paraphernalias diin giturn-over na sa Davao City Forensic Unit (DCFU) for laboratory examination.
Ang pagka neutralisa sa suspect kabahin kini sa mas gipakusgan nga kampanya kontra illagal nga droga partikular sa ilang area of responsibility (AOR) ubos sa pagdumala ni Police Major Maria Teresita Gaspan ang Hepe sa Maa Police Station.
RadyoMaN Don Pulayao
