FORT BONIFACIO, Metro Manila – Nalubong na ang ex-army nga si retired Cpl. Winston Ragos nga napatay matapos luthangon sang pulis sa checkpoint sa Quezon City.
Bangud sa naga-apekto nga social distancing tuga sang COVID-19, pila lamang ka mga pamilya kag abyan ni Rahos ang nagsaksi sa paglubong sa Libingan ng mga Bayani sa Taguig City kahapon nga adlaw samtang ini ang ginhatagan naman sang full military honors sang Philippine Army.
Kun madumdoman, makaduha ka beses nga ginluthang si Ragos samtang yara sa checkpoint sa Brgy. Pasong Putik, Quezon City sadtong Martes sang nagligad nga Semana bangud sa ginasiling paglapas sini sa protocols sang enhanced community quarantine matapos nga ginsuspetsahan nga magabunot sang pusil gikan sa iya handbag.
Si Ragos, ang ginhatagan sang complete disability discharged (CDD) sang tuig- 2017 gikan sa military service matapos nga magsuprer sang Post-traumatic Stress Disorder (PTSD) schizophrenia.
Suno sa Army, nag-umpisa nga magpakita sang senyales si Ragos sang mental trauma matapos makaharap sang ila unit ang mga rebelde sadtong 2010.
Sang Biyernes, ginpasaka-an sang kaso nga homicide sa Quezon City Police District si police Master Sgt. Daniel Florendo, nga nakuhaan sa CCTV nga nag palupok sang pusil kay Ragos.
