Sumala ni Police Major Ricky Obenza, Calinan Police Station Commander, duha ang identified suspects sa krimen diin prime suspek ang ex-boyfriend sa bar owner nga si Monalisa Alegarme Melhem, 31 anyos nga taga- Purok 23 pausta, Barangay Calinan Poblacion, Calinan District, Davao City.
Pinaagi sa cctv footage na-identipika ang mga suspek.
Sumala kang Obenza, serye sa threats ang nadawat na sa biktima sa suspek.
Padayon ang imbestigasyon sa PNP forensics sa pagidentipika sa matang sa eksplosibong gigamit sa pagpabusikad.
Matud ni Obenza, walay fragments o shrapnel nga narekober sa crime apan sa imbestigasyon sa EOD adunay black powder nga gi-improvised nga daw sama kini sa dinamita ang gipabuto.
Patay ang uyuan sa bar owner nga si Romnick Creer Nortarte, 31 anyos, residente sa Sitio Acasia, Brgy. Tamugan, Marilog Dist., Davao City.
Angol ug ginatampabalan pa sa Southern Philippines Medical Center ang laing tulo ka mga biktimang sila Emilita Rotarte Alegarme, 48 anyos, Purok 23, Pausta, Barangay Calinan Poblacion, Calinan District, Davao City, Loribeth Toting Ñocyeo, 50 anyos, residente sa Sitio Acacia Lower Tamugan, Barangay Tamugan, Marilog District ug ang uyab sa bar owner nga si Rey Caresosa Agliones, 32 anyos, taga-NHA Barangay MAA, Davao City.
Nagpadayon ang hot pursuit operation sa PNP sa pagkasikop sa duha ka mga responsable sa krimen.
RadyoMaN Aimee Guinita
