Ex- Brgy. Chairman patay sa buy-bust operation sa Polomolok, South Cotabato.

40

Patay ang ex- barangay kapitan sang Rubber, Polomolok, South Cotabato sa ginpatigayon nga buy-bust operation sang gintingob nga pwersa sang Polomolok MPS, Intelligence Operative sang 10TH SFC, 5th SF Battalion kag PDEA 12, alas 05:15 kahapon sang hapon, Oktubre 20, 2020 sa Purok 5 (Lagwang), Barangay Magsaysay, Polomolok, South Cotabato.
Ginkilala ang suspek kay Diosdado Empleo Cruz, 59-anyos, jobless kag residente sang Purok 2, Barangay Rubber, Polomolok, South Cotabato.
Nagbato suno pa ang suspek sang namutikan nga ang katransaksyon sini ang polis rason nga napilitan ang mga otoridad nga magbalos nga nangin tunaan sang iya nga kamatayon.
Gindala pa sa Polomolok Municipal Hospital ang suspek, apang gindeklarar nga dead on arrival sang attending physician.
Nakuha naman sa posisyon sang suspek ang 1 ka unit sang Cal. 38 revolver, mga bala, 6 ka heat sealed transparent cellophane sachet sang suspected shabu, isa ka unit sang Kawasaki motorcycle w/sidecar kag iban pa.
Nagakantidad naman sa P6, 860.00 ang nakuha nga shabu sa suspek lakip na ang buy-bust item.
Samtang ang suspek ang ginakabig naman nga avid supporter sang Daulah Islamiyah-SOCSARGEN Khatiba kag naaresto man sang March 28, 2019 paagi sa search warrant operation tungod sa pagbayolar sa RA 10591 kag nahilway sang April 2, 2019.
Kaso naman nga pagbayolar sa Sections 5 kag 11 sang Article II sang RA 9165, RA 10591 kag Direct Assault ang ipasaka batok sa suspek.

Facebook Comments