Ex-con gipusil patay

29

General Santos City—Patay ang usa ka Romeo Zamora, legal age, residenti sa Sarangani Homes Phase 1, Barangay San isidro, Gensan human gipusil saw ala pa mailhing lalaki.

Subay sa inisyal nga imbistigasyon sa kapulisan, ala 1:00 pasado ang takna sa hapon, adunay nanoktok sa balay sa biktima, pag-abli niini gilayon silang gipusil pila ka higayon igo sa lawas nga hinungdan sa iyang kamatayon.


Paspas nga misibat ang mga suspek human sa pagpamusil samtang ang biktima wala na madala pa sa ospital human nakabsan gilayon sa iyang kinabuhi.

Subay sa pahayag sa igsuon sa biktima nga si alias Jenjen kanhing preso ang biktima ug niadtong nakalabayng tuig lang kini nakagawas sa prisuhan.

Sa karon nagpadayon ang gihimong imbistigasyon kalabutan sa insidente.

Facebook Comments