Sa impormasyong gipadala sa DXDC RMN Davao gikan kang Police Major Jun Bautista, ang hepe sa Panabo City Police Station, nakita ang biktimang si ‘Alyas Lyn’ nga napuno og samad dinunggaban ang tiyan ug wala nay sapot sa ubos nga bahin sa iyang lawas.
Sa gipalawmang imbestigasyon, nasayrang ayha pa nahitabo ang krimen, nag-inom matud pa ang biktima ug suspect ug sa nasubay nga kuha sa CCTV camera, misulod ang duha sa bakanteng lote alas 12 sa tungang gabii ug bandang ala una sa kadlawon, migawas ang suspect ug gibilin ang biktima sa crime scene.
Sa gilusad nga hot pursuit operation sa kapulisan, malampusong nasikop ang suspect nga mao si Eugene Fuentes, 47 anyos, tricycle driver ug ex-convict nga taga Carmen, Davao del Norte.
RadyoMaN Ivy Parido
