Davao City – Sikop sa buy bust operation San Pedro PNP ang laing tigpayuhot og iligal nga droga human nakuhaa’g shabu. Ang dinakpan nailang Felix Calbonero Depaor, 30 anyos residente sa Purok 22, Sampaguita St., Time Beach, Ecoland siyudad sa Davao.
Sumala pa napalitan sa kapulisan ang suspek og usa ka sachet nga shabu kambiyo ang P1,000.00 nga buy bust money.
Narekober sa kapulisan ang laing duha ka paketeng shabu nga adunay estimated street market value kapin P10,000.00 ug usa ka cellphone nga maoy gigamit sa transaksiyon.
Subay sa monitoring sa kapulisan nga ang suspek kanhi piniriso ug nadakpan tungod sa druga tulo na kahigayon ug nakagawas human naka-avail og plea bargaining.
Ang suspek balhug na sa San Pedro Police Station ug mag-atubang og kasong dunay kalapasan sa R.A 9165 (Comprehensinve Dangerous Drugs Act of 2002).
RadyoMan Don Pulayao
