Ex-KAPA founder bodyguard sikop

181

Davao City – Kasong kalapasan sa Republic Act 10591 kon Illegal Possession of Firearm and Ammunitions ug Art. 212 sa Revised Penal Code (RPC) kon Corruption of Public Officials batok sa nagpailang ex-bodyguard sa Community Ministry International (KAPA) founder.

Sumala ni Bunawan Police Station Commander Pol. Major Noel Villahermosa, nadakpan sa checkpoint sa Task Force Davao sa Bunawan ning syudad ang suspek nga si Edilberto Naupan, 44-anyos, taga-Bislig, Surigao del Sur human nakuhaan og armas nga walay lisensya ug nagdala sa dakong kantidad sa kwartang P4,000,000.


Gibutyag ni Villahermosa, gisulayan pa niini’g suhol og P6,500 ang usa sa mga personahe sa kapolisan sa Bunawan.

Narekover sa sakyanan sa suspek ang 13 ka bala sa .45 nga pistola, lima ka box nga adunay sulod 77 ka buok bala sa .22 long rifle.

Sa pagkakaron, padayong gisuta sa kapulisan kung apil ba kining gikasuhan sa National Bureau of Investigation (NBI) sa kasong Syndicated Estafa.

RadyoMaN Aimee Guinita

Facebook Comments
From Advertisers