Duha ang patay kag duha ang pilason matapos sumuhot sa idalum sang is aka wing van ang tricycle sa radial road, barangay San Vicente, Leganes, Iloilo .
Una nga napatay ginkilala kay Victor Sina-on sang banwa sang Sta. Barbara nga gindeklarar dead on arrival sa Metro Iloilo Hospital samtang napatay man sa Western Visayas Medical Center ang uisa pa ka biktima nga si Armando Mondero sang Barangay Tigtig, Sta. Barbara, Iloilo .
Samtang kritikal naman sa ospital ang duha pa ka biktima nga sanday Reynaldo Consorio kag Julie Sison nga lunsay man pumuluyo sang Sta. Barbara, Iloilo.
Suno sa driver sang wing van nga si Gregorio Saban nga nagabiyahe siya gikan sa Pototan kag padulong sa siyudad sang Iloilo apangh pag-abot sa nasambit nga lugar hinali lamang may naglagabong sa likod sang iya salakyan.
Didto kag nahibaluan nga bumunggo na ang tricycle kag nagsuhot sa idalum sang wing van.
Sa karon yara sa custody sang Leganes PNP ang nasambit nga driver.
