Davao City – Naghinilakay ang pamilya sa NPA surenderee nga si Alyas Mylene taga- Sitio Espardos, Barangay Aliwagwag, Cateel Davao Oriental atol sa ilahang panagkita sa kampo sa Eastern Mindandanao Command kagahapong adlawa.
Nabulag ang kanhi rebelde sa iyahang upat ka mga anak nga nag-edad og 12, 11, 5 ug 2 anyos sukad nga gidala kini sa mga New People’s Army niadtong Hunyo sa nakalabayng tuig ug wala na kini buhii pa.
Gisaysay ni Mylene nga nagsilbi siyang Platoon Medic sa Guerilla Front 15 sukad niadtong tuig 2011 hangtod nga nidesisyon sila sa iyang bana nga muundang sa kalihukan niadtong 2015.
Apan human nga gipatay ang iyang bana sa mailang suspek niadtong 2018 gipangita si Mylene sa mga NPA.
Nakahigayon kining makaikyas ug ni-surrender sa sabakan sa gobyerno human sa nahitabong engkwento sa kasundaluhan ug GF 25 sa may Brgy. Aliwagwag, Cateel, Davao Oriental.
Uban usab niini ang laing tulo pa ka mga kaubang NPA reformists ug gidala sila sa ospital aron masusi ang ilahang mga kondisyon sa panlawas.
Matud ni 67th IB Commander Lt. Col. Jake Obligado nga gipapangita niya ang mga anak ni Mylene aron mabalik sa normal ang ilahang kinabuhi.
“This is the human story of the insurgency situation in the Philippines na the insurgents are destroying the basic unit of the society which is the family. The Armed Forces of the Philippines is trying its best to once and for all solved the problem of insurgency through the leadership of our president,” sumala ni Obligado.
RadyoMaN Aimee Guinita
