Maituturing nang nag-resign si dating Philippine National Police (PNP) Chief Nicolas Torre III matapos manumpa bilang bagong Metropolitan Manila Development Authority (MMDA) general manager.
Ito ang inihayag ni National Police Commission (NAPOLCOM) commissioner at executive Rafael Calinisan matapos manumpa si Torre kay Executive Secretary Ralph Recto kanina lamang.
Aniya, welcome development ang nangyaring oathtaking para bigyang daan ang promosyon ni Gen. Jose Melencio Nartatez, Jr.
Makukuha na aniya ni Nartatez na nagsisilbing acting PNP chief ang “well-deserved” o nararapat na four-star rank kasunod ng kanyang appointment bilang PNP chief.
Dahil dito, inaabangan na ang donning ng four-star rank ni Nartatez sa mga susunod na araw.
Si Torre ay magreretiro pa lang sana sa Marso 11, 2027 matapos italaga bilang PNP chief noong June ngayong taon at sinibak sa puwesto noong Agosto.
