Davao City – Mituo ang kanhi sports official dinhi sa syudad sa Davao nga mamahimong overall champion ang Pilipinas sa 30th Southeast Asian (SEA) Games.
Sa interbyu sa DXDC RMN Davao kang Beethoven N. Sur, ang kanhi presidente sa Davao City Sports Council, gibutyag niini nga dako ang posibilidad nga mamahimong kampeon ang nasud labi na nga nag-una kini sa kasamtangang medal tally sa kompetisyon.
“Yes, sa tan-aw nako very possible kay as of now, layo kaayo ang biya labi na sa gold medal tally, nag-una gyud ta. Taas baya kaayo ang equivalent points ang gold medal baya. I think, paminaw ko, karon nga SEA Games kita gyud ang mo-champion,” saysay ni Sur.
Samtang, mibilib usab ang kanhi sports official sa mga atletang Dabawenyo nga mihatag og dungog sa nasud labi na sa syudad sa Davao.
RadyoMaN Kirby Manzon
