Davao City- Unom ka mga suspetsado ang gitudlong responsable sa pagpatay kang kanhi Barangay 9-A Kapitan Roderico “Tata” Llubit niadtong Mayo 25, 2021 sulod sa iyahang panimalay sa Purok 10, Muslim Village, Barangay 9-A ning syudad sa Davao.
Sa esklusibong interbyu sa RMN Davao kang Police Col. Kirby John Kraft, Davao City Police Office (DCPO) City Director, gipasang-at ang kasong murder pinaagi sa regular filing niadtong Hulyo 17, 2021 sa City Prosecutor’s Office batok sa unom ka suspetsado.
Base sa testimonya sa usa sa mga saksi, nakita niini ang usa sa mga suspek nga nagdala’g taas nga armas sa lataran ni Kapitan Llubit human sa krimen.
Usa-usa nga gipakita sa mga imbestigador ang mga hulagway sa mga suspek ngadto sa mga witnesses og kini ilahang giidentipika ang partisipasyon sa krimen.
“Before the incident may mga nangyaring pa-meeting si Kapitan regarding sa land dispute kung saan nagkaroon nga ng threat si Kapitan verbally galing dito sa mga taong ito. Inaano nila na pagkatapos raw ng Ramadan may mangyayaring na hindi maganda, which is iyon na nga napatay si Kapitan,” segun ni Kraft.
Niadtong Hulyo 3, 2021 kasong grave threats ang gipasaka batok sa upat sa unom ka mga suspek nga nihulga sa kapitan atol sa nahitabong diyalogo sa bangi sa yuta sa Muslim Compound sa Barangay 9-A.
Adunay 11 ka mga witnesses, 2 niini menor de edad ( nag-edad 17 anyos ug 10 anyos) ang gihawiran karon sa Special Investigation Task Group (SITG).
Gipaniguro ni Kraft ang safety sa tanang witnesses sa Llubit murder case ug nagbutang og seguridad kanila lakip na sa pamilya sa gipatay nga kapitan.
RadyoMaN Aimee Guinita
