Sa eksklusibong interbyu sa DXDC RMN Davao kang Police Lieutenant Colonel Ronald Lao, Sta. Ana Police Station Commander, girespondehan sa kapulisan ang sumbong sa usa ka concerned citizen subay sa presenya sa suspek sulod sa usa ka boarding house sa maong lugar.
Giila ni Lao nga si GABBY RIMANDIMAN SARAKA, alyas GABBY, 42 anyos taga-Purok 2, Mini Forest, Brgy. 23-C, Quezon Boulevard, Davao City.
“Nakita siya nga armado siya didto, maong giadtuan sa atong intel, pag-abot didto pagtuktok, na-sense niya nga pulis namusil siya… maong na-neutralize pod siya sa atong pulis,” matud ni Lao.
Nakahiagom og daghang samad pinusilan ang suspek ug dali kining gidala sa Southern Philippines Medical Center ( SPMC) apan gideklara na kining dead on arrival. Sumala ni Lao,
adunay nakuhang duha ka pakete sa shabu sa sling bag sa suspek. Samtang narekober sa crime scene ang .38 caliber revolver nga giingong gipanag-iyahan sa suspek.
Gikumpirma ni Lao, nadakpan na kini kaniadto sa kasong theft ug paglapas sa RA 9165 apan nakagawas pinaagi sa plea bargaining agreement.
RadyoMaN Aimee Guinita
