ZAMBOAN AG CITY—Ta hace ahora embuiscada el maga otoridad con este persona con quien ya puede man video el un pasajero de jeep ta man biaje para na Pasonanca y hace el disuyu acto de cuchinadas emfrente del maga pasagero hombre y mujer.
El mismo video y retrato deste maniacul ya man upload na facebook page el un netizen despues le con este ya puede man salapu y sin verguenza yah ace sale disuyu “patas” y ya empesa man gasu que gasu hasta ya rebenta.
El maga bala liquid serca pa tupa na pierna del un pasagero mujer.
Asegun con el quien ya man upload con el video y retrato deste persona, recio este munta na carrier del jeep biaje Pasonanca y mientras ta corre el vegiculo, ta empesa este man exevicion atubang del maga pasagero.
Si caba ya le su ceremonia mientras ta corre pa el vegiculo, dayun este ta salta na calsada y ta desaparese ya lang.
Este asunto ya llega ya tamen na tencion del pulis donde ta hace ya sila con este ahora embusacada.
