Ginaduso sang Department of Health (DOH) ang expanded newborn screening.
Katuyuan sini nga mapataas gikan sa anum ka disorders sa 28 na ka disorders nga madetect paagi sa New Born Screening (NBS).
Ang NBS isa ka test nga ginakuhaan sang blood sample ang lapsag sa sulod sang 24 ka oras nga nabun-ag.
Suno kay Dr. Renilyn Reyes DOH VI Cluster Head of the Family Health and Nutrition, normal lang kun tulokon ang mga lapsag nga may inborn diseases gani dapat lang nga ipaidalum sila sa NBS agud makasiguro.
Paandam ni Reyes nga may mga sakit nga kun timprano pa madetect paagi sa NBS mapunggan ang paglala sini kag malikawan ang temprano nga kamatayun sang lapsag.
Nagabalor sang P1,500 ang expanded NBS kag covered sang Philhealth ang P550.
Available ini sa tanan nga health facilities sa bug-os nga bahin sang pungsod.
