Gipaniguro karon sa buhatan sa Malaybalay City Social Welfare Development Office nga mapatuman sa dakbayan ang mga mandato human sa mga gidugang nga mga mandato sa maong buhatan dihang na amendahan ang balaud nga naghatag og mga programa partikular na alang sa mga gikonsiderang solo parents sa dakbayan sa Malaybalay.
Giklaro ni CSWD Officer, Ms. Ivy Amor C. Urbina nga gumikan sa nakitang dakong panginahanglanon sa maong sektor sa katilingban, kinahanglan niini ang mas dugang pang mga programa ug bogtong mga guidelines nalamang ang gihulat sa maong buhatan gikan sa nasyonal nga ahensya.
Sumala pa niini nga sa kasamtangan, apil na ang gikonsiderang solo parents ang mga legal guardians sa mga kabata-an bisan paman og dili na kini blood related kung masuportahan lamang kini sa mga gikinahanglan nga dokumento sa buhatan sa CSWD.
Nasayran nga duna nay mga discount sa mga basic commodities ang mga solo parents samtang ang mga indigent apil usab nga makakuha sa mga dugang benipisyo sama sa mga subsidy gikan sa gobyerno.
Facebook Comments
