ILOILO CITY – Una nga nangin mag-abyan sang Jake, 18 anyos kag Charice, 16 anyos sa Facebook.
Apesar nga wala pa nakakitaay ang duha, consistent chatmate na sila kag nag-abot sa punto nga nahulog na ang ila buot sa isa kag isa.
Sa dalayon nga chat, ginpangaluyagan ni Jake si Charice kag ginsabat man ini sang babaye.
Nangin magkahagugma ang duha.
Na-abot sa punto nga luyag na makigkita sang duha. Si Jake taga-Lapaz samtang si Charice naman taga-City Proper.
Sang nagkita-ay na ang duha, nakita ni Jake nga daw malas-ay ang pagtratar sa iya ni Charice.
Baliskad sa maayo nga pagtamdanay sa Facebook, nakita ni Jake nga daw indi siya gusto ni Charice sa personal.
Sa pihak sang nakita nga reaksyon, ginpaninguhaan ni Jake nga mahaylo si Charice nga mag-upod sa balay sang iya tiya sa Lapaz.
Bagod indi magpasugot ang babaye, ginbunutan ini sang kutsilyo ni Jake kag gintayaan.
Ginpwersa ini nga paupdon ni Jake sa balay sang tiya nga yara sa abroad.
Didto kag natabo ang paghimulos niya sa 16 anyos nga si Charice.
Matapos ang natabo, desidido ang pamilya ni Charice nga pasakaan sang kaso si Jake.
